ესპანეთის საკალათბურთო ჩემპიონატში, წარმატებულ თამაშს აგრძელებენ ქართველი ლეგიონერები.

გიორგი შერმადინის და ბექა ბურჯანაძის „ანდორამ" სტუმრად დასანანი მარცხი განიცადა „ესტუდიანტესთან".

წაგების მიუხედავად, მადრიდში გამართული შეხვედრა შერმადინის ბენეფისად იქცა.

საქართველოს ნაკრების ცენტრმა 21 ქულა და 16 მოხსნა გააკეთა.

მარგი ქმედების კოეფიციენტის მიხედვით, შერმადინი ორივე გუნდის რიგებში საუკეთესო იყო.

ბურჯანაძემ, მატჩი ექვსი ქულით და ხუთი მოხსნით დაასრულა.

„ანდორელებმა" ის დაპირისპირება 85-87 წააგეს.

სამაგიეროდ მოიგო თორნიკე შენგელიას „ბასკონიამ", რომელმაც სტუმრად „ბეტისი" გაანადგურა, ანგარიშით 94-60.

თორნიკეს მონაგარი კი 14 ქულა და 4 მოხსნა გახლდათ. ამ მოგებით, „ბასკონიამ" „ლიგა ენდეზაში" მეექვსე ადგილზე გადაინაცვლა