ლევან მჭედლიძე იტალიის ჩემპიონატში წარმატებულ თამაშს განაგრძობს. ქართველი ფეხბურთელი, ემპოლის მთავარი გოლეადორია. გუშინ, მჭედლიძემ, კროტონეს 39-ე წუთზე გაუტანა და ანგარიში გაათანაბრა. სამწუხაროდ, ის შეხვედრა, ტოსკანურმა კლუბმა 1:4 წააგო.

რაც შეეხება ქართველ ფორვარდს, ეს მიმდინარე სეზონში მისი მეექვსე გოლი გამოდგა ემპოლის მაისურით. ამ წაგების შემდეგ, ჯოვანი მასტურჩელოს გუნდი, სერია “ა”-ში მე-17-ე ადგილზეა და გასავარდნ ზონასთან, რვა ქულა აშორებს. ემპოლი, მორიგ ტურში, საკუთარ მოედანზე, ტორინოს უმასპინძლებს.