გუდაური-კობის მონაკვეთზე მსუბუქი ავტოტრანსპორტის მოძრაობა აღდგა. თუმცა -მოცურების საწინააღმდეგო ჯაჭვების გამოყენებით.
ლიპყინულის გამო მლეთა-კობის მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა. ორი და მეტი წამყვანი ხიდის მქონე ავტოტრანსპორტის მოძრაობა კი თავისუფალია.
რაც შეეხება ტრაილერებს, რომლებიც ამ დრომდე გაჩერებული იყო, მათ უკვე შეუძლიათ მოძრაობა. მისაბმელიანი ავტოტრანსპორტის გადაადგილება აღდგენილია ჩუმა-თელეთი-ზესტაფონის მონაკვეთზე.
ტრანსპორტს მოძრაობა ასევე თურქეთის საზღვართან, ახალქალაქი-კარწახის ტერიტორიაზეც შეუძლია.
ქვეყნის მასშტაბით თოვისა და ლიპყინულის გამო რამდენიმე მიმართულებით მოძრაობის სპეციალური რეჟიმებია დაწესებული. მათ შორის ფონიჭალა-მარნეული-გუგუთის, ხაიში-უშგულის მიმართულებით და ნაქერალას უღელტეხილზე.
ბათუმი-ახალციხის მონაკვეთზე ყველა სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით.