16 დეკემბერი, 2016
•დედაქალაქის 2017 წლის ბიუჯეტს საკრებულოში კენჭს დღეს უყრიან. დოკუმენტს ერთიანი ნაციონალური მოძრაობა მხარს არ დაუჭერს.
•საკონსტიტუციო კომისიის წევრების კანდიდატების წარსადგენად სუბიექტებს 5 დღიანი ვადა აქვთ.
•არასაპარლამენტო ოპოზიცია საკონსტიტუციო კომისიაში წარსადგენ წევრებთან დაკავშირებით კონსულტაციებს აგრძელებს.
•მესამე სექტორი საკონსტიტუციო კომისიაში პრეზიდენტის წარმომადგენლის ჩართვის აუცილებლობაზე საუბრობს.
•პარლამენტმა „საგადასახადო კოდექსში“ შესატანი ცვლილებები 103 ხმით, 6-ის წინააღმდეგ პირველი მოსმენით მიიღო.
•საკანონმდებლო ორგანომ ,,ეროვნული ბანკის შესახებ კანონში” შესატანი ცვლილებები პირველი მოსმენით მიიღო. კანონპროექტს მხარი 101-მა დეპუტატმა დაუჭირა.
•2016 წლის ბიუჯეტში შესატან ცვლილებებთან დაკავშირებით დეპუტატები დღევანდელ პლენარულ სხდომაზე იმსჯელებენ.
•ჟენევის საერთაშორისო მოლაპარაკებების რიგით 38-ე რაუნდის შედეგები შეაჯამა შერიგებისა და სამოქალაქო ინტეგრაციის საკითხებში სახელმწიფო მინისტრის მოადგილემ.
•გრიპის ვირუსის შემთხვევებმა იმატა, თუმცა დაავადებათა კონტროლის ცენტრში ამბობენ, რომ ქვეყანაში ეპიდემიის საფრთხე არ არსებობს.
•ფოთის პორტში ამ დრომდე შეჩერებულია ღრმაფსკერიანი გემების მოძრაობის პროცესი. ნავსადგურის ადმინისტრაციის განცხადებით, მიმდინარეობს გაწმენდითი სამუშაოები, რასაც დაახლოებით 10 დღე დასჭირდება.
•თბილისის ზღვის მიმდებარე ტერიტორიის განვითარების კონცეპტუალურ გეგმას საქართველოს პრემიერ-მინისტრ გიორგი კვირიკაშვილი გაეცნო.
•თავდაცვის მინისტრი თურქეთის რესპუბლიკის ელჩს შეხვდა. შეხვედრის მთავარი თემები თავდაცვის სფეროში არსებული თანამშრომლობის საკითხები და სამომავლო გეგმები იყო.
•აფხაზეთის ე.წ. პრეზიდენტის ადმინისტრაციამ და საპროტესტო აქციის მონაწილე ოპოზიციურ ძალებმა ვითარების სტაბილიზაციის მიზნით შეთანხმებას მიაღწიეს.
•სირიის ქალაქ ალეპოს აღმოსავლეთ რაიონებიდან ამბოხებულებისა და მშვიდობიანი მოსახლეობის ევაკუაცია გრძელდება.
•ევროკავშირის წევრი ქვეყნების ლიდერებმა უკრაინის საკითხზე ჰოლანდიასთან შეთანხმებას მიაღწიეს.
•უკრაინელი პარლამენტარი და ყოფილი მფრინავი, ნადია სავჩენკო დონეცკისა და ლუგანსკის თვითგამოცხადებული რესპუბლიკების წარმომადგენლებთან მოლაპარაკებების გამო, პარტია “ბატკივშინას” რიგებიდან გარიცხეს.
•მარნეულში 29 დევნილ ოჯახს საცხოვრებელი ბინები გადაეცათ. დევნილებს ახლადაშენებულ კორპუსში საცხოვრებელის გასაღებები დევნილთა და განსახლების მინისტრმა და ქვემო ქართლის გუბერნატორმა გადასცეს.
•სამეგრელო-ზემო სვანეთის ტურისტულ პოტენციალსა და სამომავლო გეგმებთან დაკავშირებით რეგიონის გუბერნატორი ,,ჯიმ ფესტისა”, ,,იუ-ეს-აი-დი-სა” და ტურისტული კომპანიების წარმომადგენლებს შეხვდა.
•ბოლნისში ახალი მუზეუმის მშენებლობის პირველი ეტაპი დასრულდა.
•,,ფერთა ენერგია”- ასე ეწოდება ახალგაზრდა მხატვრის Mმაიკო ჯიმშელეიშვილის ნახატების გამოფენას.
•ფილარმონიის დიდი საკონცერტო დარბაზის წინ მომღერალ თამრიკო ჭოხონელიძის ვარსკვლავი გაიხსნა.
•თბილისის ქუჩები საახალწლოდ განათდა.