რუსეთის თავდაცვის სამინისტრო, ოკუპირებულ აფხაზეთში, სოფელ წებელდაში, რუსეთის მიერ სამხედრო პოლიგონის მშენებლობას უარყოფს. აღნიშნულ ინფომაციას სააგენტო „რია ნოვოსტი“ ავრცელებს, სადაც ნათქვამია, რომ სამხრეთის სამხედრო ოლქის პრესსამსახური ამ მიმართულებით სამუშაოების წარმოებას უარყოფს. „სამხრეთის სამხედრო ოლქის პრესსამსახურში გაოგნება გამოიწვია საქართველოს პრეზიდენტის საერთაშორისო საკითხებში მრჩევლის, თენგიზ ფხალაძის განცხადებამ, აფხაზეთის სოფელ წებელდაში თითქოსდა რუსული სამხედრო პოლიგონის მშენებლობის შესახებ. არავითარი სამშენებლო ან სხვა სახის სამუშაოები სოფელ წებელდაში, რუსეთის შეიარაღებული ძალების მე-7 სამხედრო ბაზის ინტერესებში არ არის და არც იგეგმება“, - ნათქვამია სააგენტოს მიერ გავრცელებულ ინფორმაციაში.
განცხადება გაკეთდა ოკუპირებული აფხაზეთის დე ფაქტო თავდაცვის სამინისტროშიც. „ჩვენ გვაქვს ორი პოლიგონი. ამ პოლიგონებით სარგებლობს აფხაზეთის თავდაცვის სამინისტრო და შვიდი რუსული ბაზა, რომლებიც დისლოცირებულები არიან აფხაზეთში. ეს პოლიგონები მდებარეობს გულრიფშის და ოჩამჩირის რაიონებში. არანაირი ახალი პოლიგონის მშენებლობაზე საუბარი არი არის,“- განაცხადეს დე ფაქტო თავდაცვის სამინისტროში.