მოსამართლე ნატა ნაზღაიძის ძმა ზვიად ნაზღაიძე თავის მართლებას და ახსნა-განმარტებას აღარ ცდილობს. მის ნაცვლად ამას ის სტრუქტურები აკეთებენ, ვინც ნაზღაიძეების ოჯახს მილიონი აჩუქა. „რუსთავი2-ის“ საქმის მოსამართლის, ნატა ნაზღაიძის ოჯახისთვის, საკრებულოს განკარგულებით გადაცემული ერთი მილიონი ლარის შესახებ ცნობილი „პოსტ სკრიპტუმის“ სიუჟეტიდან ზუსტად ერთი კვირის წინ გახდა. ჩვენთვის პასუხი ნათელია - ეს იყო ჯილდო იმ გადაწყვეტილებისთვის, რომელიც ნაზღაიძის თავმჯდომარეობით სააპელაციო სასამართლოს კოლეგიამ გამოიტანა და "რუსთავი 2" ქიბარ ხალვაშს გადაულოცა. მმართველი გუნდი კი გვიმტკიცებს, რომ კორუფცია აქ არაფერ შუაშია და ზვიად ნაზღაიძემ სრულიად დამსახურებულად მიიღო ამხელა კომპენსაცია ხალხის ფულით შევსებული ბიუჯეტიდან. უბრალოდ, "ქართული ოცნება" ამ მოულოდნელი პასუხებისთვის მოუმზადებელი აღმოჩნდა და საკუთარ ურთიერთგამომრიცხავ განმარტებებში დაიკარგა.

თამარ ბაღაშვილი, იოსებ წიკლაური, ეკა ბუცხრიკიძე