ნაციონალურ საკალათბურთო ასოციაციაში მორიგი შეხვედრები გაიმართა.

ყველაზე დაძაბული და საინტერესო სტეიპლს ცენტრში ჩატარებული მატჩი გამოდგა, რომელშიც ლოს ანჯელეს კლიპერსმა, შარლოტ ჰორნეტსი დაამარცხა.

თამაშის ძირითადმა დრომ გამარჯვებული ვერ გამოავლინა. ოვერტაიმში კი, მასპინძლებმა 124-121 გაიმარჯვეს.

ბრწყინვალე შედეგი ჰქონდა მასპინძელთა ერთ-ერთ ლიდერს, ბლეიკ გრიფინს, რომელმაც 43 ქულა და 10 მოხსნა გააკეთა.

სტუმართა შემადგენლობაში 34 ქულით, კემბა უოქერი გამოირჩა. ამ გამარჯვების შემდეგ, კალიფორნიული გუნდი დასავლეთ კონფერენციაში მეხუთე ადგილზეა.

კლიპერსი მორიგ შეხვედრაში, ერთ-ერთ უშუალო კონკურენტს, ჰიუსტონ როკეტსს 2 მარტს უმასპინძლებს.