საქართველოს იუსტიციის უმაღლესმა საბჭომ მოსამართლეთა კორპუსის კრიტიკასთან დაკავშირებით ევა გოცირიძის ინიციატივას ერთხმად დაუჭირა მხარი. საბჭოს წევრები შეთანხმდნენ ტექსტზე, რომელიც მოსამართლეთა კრიტიკის აკრძალვასთან არის დაკავშირებული. როგორც ინიციატივის ავტორი აცხადებს, კრიტიკა დასაშვებია, თუმცა არა შეურაცხყოფა.
სხდომის გახსნისას ევა გოცირიძემ განაცხადა, რომ განცხადების ტექსტში დართულია ბოლოდროინდელი, მათ შორის მედიის წარმომადგენლების მხრიდან გაკეთებული ის გამონათქვამები, რომელიც მოსამართლეების მისამართით ისმოდა, ეს კი გოცირიძის თქმით, ხშირად ცდებოდა გამოხატვის თავისუფლებას.
ამ საკითხზე კონფერენცია ჩატარდება და განხილვების შემდეგ მოხდება პროექტზე შეჯერება.
ევა გოცირიძის ინიციატივის ტექსტს, რომელიც მოგვიანებით გამოქვეყნდება, იუსტიციის საბჭო სახალხო დამცველს, არასამთავრობო ორგანიზაციებს და კომუნიკაციების ეროვნულ კომისიას გადაუგზავნის.