იუსტიციის უმაღლესმა საბჭომ მოსამართლეთა დანიშვნა (გადაყვანა)-დაწინაურების წესის შესახებ რეგლამენტში შესატან ცვლილებებზე მსჯელობა სექტემბრამდე გადადო.
საბჭოს დღევანდელ სხდომაზე დადგა საკითხი, რომ აღნიშნულ რეგლამენტში შევიდეს ცვლილება მოსამართლეთა დანიშვნის (გადაყვანა) დაწინაურების წესსში და განისაზღვროს ის გამონაკლისი შემთხვევები, როდესაც მოსამართლეთა გადაყვანა მოხდება იუსტიციის უმაღლესი საბჭოში, მოქმედი მოსამართლის მიერ წარდგენილი განცხადების საფუძველზე, რაც ასევე გულისხმობს მოსამართლესთან გასაუბრების ეტაპს.
იუსტიციის საბჭოს არამოსამართლე წევრი ნაზი ჯანეზაშვილი არ ეთანხმება აღნიშნულ ცვლილებას და მიაჩნია, რომ უნდა შეიქმნას სპეციალური სამუშაო ჯგუფი, იუსტიციის საბჭოს, მოსამართლეების და საბჭს აპარატის შემადგენლობით, რომელიც იმსჯელებს აღნიშნულ ცვლილებებზე. მისივე თქმით, მოსამრთლეთა დანიშვნა (გადაყვანა)-დაწინაურების წესი, უნდა იყოს საერთაშორისო პრაქტიკის გათვალისწინებით.
იუსტიციის საბჭოს თავმჯდომარემ ნინო გვენეტაძემ მოუწოდა ნახი ჯანეზაშვილს, რომ აღნიშნული წინადადება ჩამოაყალიბოს პროექტის სახით და ისე წარუდგინოს საბჭოს წევრებს.
ცვლილებებს არ ეთანხმება კიდევ ერთი არამოსამართლე წევრი ვახტანგ მჭედლიშვილი. მან ამის მიზეზად რამდენიმე არგუმენტი დაასახელა. სხდომის გადადებას ემხრობოდა იუსტიციის უმაღლესი საბჭოს მდივანი გიორგი მიქაუტაძეც.
დისკუსიის შედეგად გადაწყდა, რომ საკითხი სექტემბრამდე გადაიდოს და არამოსამართლე წევრები რეგლამენტის ცვლილებების ახალ პროექტს მოამზადებენ.