იუსტიციის უმაღლესმა საბჭომ მოსამართლეთა უვადოდ დანიშვნის შესახებ რეგლამენტი დაამტკიცა. საბჭოს წევრებმა განსაზღვრეს პრიორიტეტები, თუ როგორ მიიღებს საბჭო გადაწყვეტილებას იმ შემთხვევაში, თუ უვადოდ გამწესების მქონე რამდენიმე მოსამართლე ერთდროულად მიმართავს საბჭოს.

გადაწყდა, რომ მოსამართლეთა შერჩევისას გადამწყვეტი ორი კრიტერიუმი იქნება - ეს არის კეთილსინდისიერება და კომპეტენტურობა. ამას გარდა, საბჭო ამა თუ იმ მოსამართლის მიერ განხილულ საქმეებსაც შეაფასებს, რომელსაც შემთხვევითი შერჩევის პრინციპით შეარჩევს.

დამტკიცებული რეგლამენტის დეტალებზე საუბრობს იუსტიციის უმაღლესი საბჭოს წევრი ნაზი ჯანეზაშვილი. მისი განმარტებით, სულ 150-მდე მოსამართლეა, რომელსაც უვადოდ გამწესების სურვილი აქვს, დღეს კი სამმა მოსამართლემ შესაბამისი განაცხადით უკვე მიმართა საბჭოს.

ნაზი ჯანეზაშვილი ადასტურებს, რომ ამ მსურველთა შორის საბჭოს ყოფილი მდივანი, ლევან მურუსიძეც არის, თუმცა ამბობს, რომ არ აქვს ინფორმაცია ფიგურირებს თუ არა მურუსიძის გვარი ამ საკმაციან სიაში. მისივე განმარტებით, მოსამართლეებს შეუძლიათ, დეტალურად ნახონ შერჩევის წესი, რადგან ის უკვე ამოქმედდა.

„ჩვენ არ გვაქვს უფლება, რომ მათ ამ განხილვაზე უარი ვუთხრათ, თუმცა ვალდებული ვართ, განვსაზღვროთ პრიორიტეტები.

შეფასების კრიტერიუმები არის კანონმდებლობით დადგენილი და ეს არის კეთილსინდისიერებისა და კომპეტენტურობის კრიტერიუმი.

გარდა ამისა, მორე საკითხი არის ის, როგორ მოხდება მოსამართლის მიერ განხილული კონკრეტული საქმეების შეფასება, რომლის მიხედვითაც შემდგომში ვაფასებთ მოსამართლეებს. იუსტიციის საბჭომ სულ ხუთი საქმე უნდა განიხილოს, რომლითაც ჩვენ ვიმსჯელებთ ამ გადაწყვეტილებიდან გამომდინარე. საქმეებს შემთხვევითი შერჩევის პრინციპით შევარჩევთ“, - აცხადებს ნაზი ჯანეზაშვილი.

მისივე განმარტებით უვადოდ განსამწესებლად მოსამართლეს განაცხადის შეტანა იმ შემთხვევაში შეუძლია, თუ მას მინიმუმ სამწლიანი გამოცდილება აქვს და მუშაობდა სამწლიანი გამოსაცდელი ვადით