ბათუმში ევროსასამართლოს მოსამართლის ნონა წოწორიას ძმის სახლი ჩხრეკა ჩატარდა. აჭარის პოლიციის დეპარტამენტის თანამშრომლებმა სახლიდან ორი სანადირო და ერთი კისტის თოფი, ერთი რევოლვერი 100- მდე ვაზნა ამოიღეს.
როგორც ოთარ წოწორიამ განაცხადა, მას მხოლოდ თოფები ეკუთვნის. მისივე თქმით, ბოლო ერთი კვირა სახლში არ იმყოფებოდა და ვარაუდობს, რომ რევოლვერი და ვაზნები ვიღაცამ შეიტანა.
ოთარ წოწორია მომხდარს მისი დის საქმიანობას უკავშირებს და მიიჩნევს, რომ ანგარიშსწორებას აქვს ადგილი.
წოწორიას სახლში ჩხრეკა დაახლოებით 5 საათის განმავლობაში მიმდინარეობდა.
როგორც შს სამინისტროში განმარტეს, ბინის ჩხრეკა ადვოკატის თანდასწრებით,ოპერატიული ინფორმაციის საფუძველზე, ჩატარდა. გამოძიება სსკ-ს 236-ე მუხლით მიმდინარეობს.