მედიის ყურადღების ცენტრშია სტრასბურგის სასამართლოში საქართველოს მოქმედი წარმომადგენელიც. ნონა წოწორია ძმის წინააღმდეგ დაწყებულ გამოძიებას მის პროფესიულ საქმიანობას უკავშირებს.

მოსამართლის განმარტებით, ოთარ წოწორიას სახლიდან ამოღებული პისტოლეტი და ვაზნები მისი ძმის ან ოჯახის საკუთრებას არ წარმოადგენს.

წოწორია წერს, რომ მის მიერ სამოსამართლეო ფუნქციების შესრულებაზე გავლენას ვერაფერი მოახდენს.

ბათუმში ოთარ წოწორიას საცხოვრებელ ბინაში ჩხრეკა გუშინ საღამოს ჩატარდა. გამოძიების ინფორმაციით, ამოღებულია ცეცხლსასროლი იარაღი და სხვადასხვა კალიბრის ვაზნები. ფაქტი უკვე გახდა არაერთგვაროვანი პოლიტიკური შეფასებების საგანი.