2 ივნისი, 2017
•კლინიკა „ლანცეტის“ გენერალური დირექტორი ფარმან ჯეირანლი არ გამორიცხავს, რომ ის პოლიტიური მოტივით დააკავეს.

•აზერბაიჯანელი ჟურნალისტის აფგან მუხთარლის აზერბაიჯანელმა ადვოკატებმა მის მიმართ შეფარდებული აღმკვეთი ღონისძიება ზემდგომ ინსტანციებში გაასაჩივრეს.

•საპარლამენტო უმცირესობა აზერბაიჯანელი ჟურნალისტის გაუჩინარების ფაქტთან დაკავშირებით შინაგან საქმეთა მინისტრისა და სახელმწიფო უსაფრთხოების სამსახურის ხელმძღვანელის გადაყენებას ითხოვს.

•საკონსტიტუციო ცვლილებებთან დაკავშირებით პრეზიდენტი დღეს ქართველ და უცხოელ ექსპერტებს შეხვდება.

•სტრასბურგის მოსამართლეობისთვის შერჩეულ 3 კანდიდატს დეპუტატები აფასებენ. ლადო ჭანტურია, სოფო ჯაფარიძე და შოთა გეწაძე მთავრობამ საკონკურსო კომისიის მიერ წარდგენილი 5 კანდიდატიდან შეარჩია.

•კოალიცია “ევროატლანტიკური საქართველოსთვის” სასამართლო სისტემაში მიმდინარე პროცესებს გაუმჭვირვალეს უწოდებს და აღნიშნულთან დაკავშირებით პასუხისმგებლობას ხელისუფლებას აკისრებს.

•დეპუტატი გრიგოლ ლილუაშვილი აცხადებს, რომ ენერგეტიკის მინისტრს კახი კალაძეს თბილისის მერობის კანდიდატობა სურს.

•საპარლამენტო უმრავლესობაში მიაჩნიათ, რომ ადგილობრივი თვითმმართველობის კოდექსში შესატანი ცვლილები დეცენტრალიზაციას შეუწყობს ხელს.

•90 ხმით 1-ის წინააღმდეგ პარლამენტმა საზოგადოებრივი მაუწყებლის სამეურვეო საბჭოს წევრის შესარჩევი საპარლამენტო-საკონკურსო კომისიის შემადგენლობის დამტკიცების შესახებ დადგენილების პროექტს მხარი დაუჭირა.

•ფილიპინებში “ვორლდ მანილას” კურორტზე შეიარაღებულ თავდასხმასა და გაჩენილ ხანძარს 34 ადამიანის სიცოცხლე ემსხვერპლა. გავრცელებული ინფორმაციით, ნიღბიანი მამაკაცი ერთ-ერთი სასტუმროს კომპლექსში განთავსებულ კაზინოში შეიჭრა და ცეცხლი გახსნა.

•შეერთებული შტატები პარიზის კლიმატური ცვლილებების შესახებ 2015 წელს მიღებული შეთანხმებიდან გადის.

•შეერთებული შტატების პარიზის კლიმატური ცვლილებების შეთანხმებიდან გასვლას მსოფლიო ლიდერების გამოხმაურება მოჰყვა.

•ვენესუელის პრეზიდენტმა ახალი რეფერენდუმის დანიშვნის შესახებ განაცხადა, რომელიც ეროვნული პარლამენტის ჩასანაცვლებლად კონსტიტუციური ასამბლეის შექმნას ითვალისწინებს.

•პოლონეთის ექსპრეზიდენტის ლეხ კაჩინსკის განსასვენებელში ავიაკატასტროფის შედეგად დაღუპული სხვა მგზავრების ცხედრის ფრაგმენტები აღმოაჩინეს.

•იაპონიაში ვიზიტის ფარგლებში საგარეო საქმეთა მინისტრი მიხეილ ჯანელიძე ქართველ დიასპირას შეხვდა.

•თავდაცვის მინისტრმა დავით აღმაშენებლის სახელობის ეროვნული თავდაცვის აკადემიაში შეიარაღებული ძალების სამხედრო მოძღვრებისთვის ლექცია წაიკითხა.

•საქართველოს კლიმატის მწვანე ფონდის რიგით მეორე სამუშაო შეხვედრა გაიმართა.

•ბავშვთა დაცვის დღესთან დაკავშირებით სამედიცინო უნივერსიტეტში, რიგით 38 სამეცნიერო კონფერენცია გაიმართა.

•ბავშვთა დაცვის დღესთან დაკავშირებით ნატოსა და ევროკავშირის შესახებ საინფორმაციო ცენტრში ბავშვების ნახატების გამოფენა გაიმართა.