• გადაუღებელმა წვიმამ სამეგრელოში პრობლემები შექმნა.
• ძლიერი წვიმის შედეგად ზარალი მიადგა გურიის რეგიონსაც. ჩოხატაურის მუნიციპალიტეტში სახნავ-სათესი ნაკვეთები დაიტბორა.
• გორში ვიცემერის გოგა რაზმაძის ოჯახი დააყაჩაღეს. არსებული ინფორმაციით, რაზმაძის ოჯახში ნიღბიანი პირები საღამოს შეიჭრნენ.
• დღეს გახდება ცნობილი ვენეციის კომისიის რეკომენდაციები საქართველოს კონსტიტუციის ცვლილებებთან დაკავშირებით.
• საპარლამენტო უმრავლესობა ვენეციის კომისიისგან პოზიტიურ შეფასებას ელის და აცხადებს, რომ სამართლებრივი შენიშვნების არსებობის შემთხვევაში ყველა რეკომენდაციას გაითვალისწინებენ.
• საარჩევნო სისტემის ცვლილებასთან დაკავშირებით „ქართულ ოცნებაში” კვლავ აზრთა სხვადასხვაობაა.
• საქართველოდან გაუჩინარებული აზერბაიჯანელი ჟურნალისტის ადვოკატი შინაგან საქმეთა სამინისტროსგან საქმის მასალების ასლების გადაცემას ითხოვს.
• საპარლამენტო უმცირესობა საკანონმდებლო ორგანოში, აზერბაიჯანელი ჟურნალისტის საქმეზე საგამოძიებო კომისიის შექმნას მოითხოვს.
• არასამთავრობო ორგანიზაციების განცხადებით, ევროპარლამენტმა აზერბაიჯანელი ჟურნალისტის აფგან მუხთარლის საქმესთან დაკავშირებით რეზოლუციის მიღებით საქართველოს სახელმწიფოს ამ საკითხთან მიმართებით ყველა ლეგიტიმურ კითხვაზე პასუხის გაცემისკენ კიდევ ერთხელ მოუწოდა.
• 95 ხმით 7-ის წინააღმდეგ, პარლამენტმა უცხო ქვეყნების მოქალაქეებზე სასოფლო-სამეურნეო დანიშნულების მიწების საკუთრებაში გადაცემასთან დაკავშირებით მორატორიუმის გამოცხადებას მხარი პირველი მოსმენით დაუჭირა.
• პარლამენტმა „საქართველოს სისხლის სამართლის კოდექსში ცვლილების შეტანის თაობაზე" და „საქართველოს ადმინისტრაციულ სამართალდარღვევათა კოდექსში ცვლილების შეტანის თაობაზე" კანაფისა და მარიხუანას მოხმარებასთან დაკავშირებით კანონპროექტები განიხილა.
• პარლამენტის სესიაზე საქართველოს ეროვნული ბანკის პრეზიდენტს მოუსმინეს.
• დიდი ბრიტანეთის პრემიერმინისტრმა ლონდონში მრავალსართულიან საცხოვრებელ კომპლექსში ხანძრის გაჩენის მიზეზების დასადგენად ფართომასშტაბიანი გამოძიების ჩატარების განკარგულება გასცა.
• შეერთებული შტატების სპეციალური პროკურორი, რობერტ მიულერი, დონალდ ტრამპის სიძისა და მრჩევლის, ჯარედ კუშნერის წინააღმდეგ გამოძიებას აწარმოებს.
• შეერთებული შტატების პოლიციამ რეჯეფ თაიფ ერდოღანის დაცვის 12 წევრზე დაკავების ორდერი გასცა. საქმე ეხება ერთი თვის წინ ვაშინგტონში მომხდარ ინციდენტს, როდესაც თურქეთის პრეზიდენტის ვიზიტის დროს, მისივე უსაფრთხოების სამსახურები თურქეთის საელჩოსთან მიმდინარე მშვიდობიანი აქციის მონაწილეებს ფიზიკურად გაუსწორდნენ.
• რუსეთის პრეზიდენტის განცხადებით, დონალდ ტრამპის ადმინისტრაციის პირობებში შეერთებულ შტატებთან ურთიერთობის გაუმჯობესების იმედი კვლავ არსებობს. „ვფიქრობ ჩვენ როდესღაც აუცილებლად შევხვდებით”, - აცხადებს ვლადიმერ პუტინი ოლივერ სტოუნთან ინტერვიუში და აღნიშნავს, რომ დონალდ ტრამპს ჯერ პარტნიორებთან ურთიერთობების ჩამოყალიბება სჭირდება.
• მოსულის გასათავისუფლებლად ოპერაცია წარმატებით მიმდინარეობს. ერაყის არმია ძველი ქალაქის ერთ-ერთი უბნის აღების შესახებ ინფორმაციას ავრცელებს.
• საქართველოს შეიარაღებულ ძალებს 115 სამხედრო მოსამსახურე შეემატა. წვევამდელების ფიცის დადების ცერემონია სენაკის მუნიციპალიტეტში, ნოქალაქევის ციხის ტერიტორიაზე გაიმართა.
• იუსტიციის სამინისტრომ ქალთა მიმართ და ოჯახში ძალადობის თემაზე შექმნილი პოსტერების გამარჯვებულები გამოავლინა.
• შეკვეთილში ტურისტული სეზონი ოფიციალურად გაიხსნა. პარკმა „საქართველო მინიატურებში” სოციალურად დაუცველ ბავშვებს უმასპინძლა.