ბათუმის 11-12 მარტის მოვლენების საქმეზე დაკავებულ პირთა სასამართლო პროცესი 13:00 საათზე განახლდება.

დღეს მოსამართლე თამარ ბეჟანეიშვილი 9 მოწმე-გამომძიებელს მოუსმენს. საქმის გამომძიებლები მათ მიერ ჩატარებულ საგამოძიებო მოქმედებებზე ისაუბრებენ.

დაკავებულთა ადვოკატები კვლავ მათი დაცვის ქვეშ მყოფების უდანაშაულბაზე საუბრობენ და აცხადებენ, რომ დაკავება ძირითადად, სამართალდამცველთა ჩვენებებზე დაყრდნობით განხორციელდა, რაც ჩვენებების სარწმუნოობას ეჭვის ქვეშ აყენებს.

ბათუმის მოვლენებთან დაკავშირებით 20 პირი პატიმრობაში რჩება.