ბათუმის 11-12 მარტის მოვლენებთან დაკავშირებით დაკავებული ცხრა პირის სასამართლო პროცესი 20 ივნისს განახლდება.

დღევანდელ პროცესზე რამდენიმე მოწმესთან ერთად დაზარალებული მხარეების წარმომადგენლებსაც მოუსმინეს. მოსამართლემ არ დააკმაყოფილა არც ერთი დაკავებულის ადვოკატის შუამდგომლობა აღკვეთი ღონისძიების შეცვლის თაობაზე და სასამართლომ საქმეზე დაკავებული ცხრავე პირი პატიმრობაში დატოვა.

ბათუმის მოვლენებთან დაკავშირებით პატიმრობაში 18 პირი რჩება. ორ დაკავებულთან პროკურატურამ უკვე გააფორმა საპროცესო შეთანხმება.