26 ივნისი წამების მსხვერპლთა მხარდაჭერის საერთაშორისო დღეა. ამ დღესთან დაკავშირებით სახალხო დამცველმა პრევენციის ეროვნული მექანიზმის ანგარიში წარადგინა. დოკუმენტი დახურული ტიპის დაწესებულებებში - პენიტენციურ სისტემაში, შინაგან საქმეთა სამინისტროს დაქვემდებარებულ ორგანოებში და შშმ პირთა პანსიონატებში ადამიანის უფლებების კუთხით არსებულ მდგომარეობას ასახავს.
პენიტენციურ სისტემასთან დაკავშირევბით ანგარიშში ხაზგასმულია, რომ არასათანადო მოპყრობის ფაქტების ეფექტიანი გამოძიებისათვის აუცილებელია დამოუკიდებელი საგამოძიებო მექანიზმის შექმნა. ანგარიშში ასევე ნათქვამია, რომ შსს სისტემაში უარყოფითი ტენდენციები ნარჩუნდება. ასევე, პრობლემად რჩება დაკავების დროს ძალის გადამეტება და შემდგომი ძალადობა.
შშმ პირთა პანსიონატებთან დაკავშირებით კი მთავარ პრობლემად ფსიქო-სოციალური სერვისებისა და პროფესიულო კადრების ნაკლებობა სახელდება. ანგარიშში ასევე საუბარია ევროკავშირის ქვეყნებში უნებართვოდ მცხოვრებ საქართველოს მოქალაქეების დაბრუნების ერთობლივი ოპერაციის მონიტორინგზეც.