გალში ინციდენტების პრევენციისა და მათზე რეაგირების მექანიზმის ფარგლებში მორიგი შეხვედრა გაიმართა.
შეხვედრაზე 7 აპრილის დაკავებული მამა-შვილი როგავების გათავისუფლების და გიგა ოთხოზორიას მკვლელის, რაშიდ კანჯი-ოღლის გადმოცემის საკითხები განიხილეს.
საქართველოს ხელისუფლება მიიჩნევს, რომ აფხაზეთის დეფაქტო მთავრობას დამნაშავის გადმოცემის პოლიტიკური ნება არ გააჩნია.
გალში ინციდენტების პრევენციისა და მათზე რეაგირების მექანიზმის შეხვედრაზე ასევე ცხელი ხაზის ეფექტურად მუშაობის აუცილებლობაზე ისაუბრეს.
სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილის, კახაბერ ქემოკლიძის განცხადებით, სჯერა, რომ გამოსწორდება ყველა ხარვეზი, რაც ბოლო ერთი თვის განმავლობაში ცხელი ხაზის მუშაობისას დაფიქსირდა.