ივლისი 18, 2017
235
ტრაპიზონთან მომხდარი ავარიის დროს დაშავებული ანსამბლ „ლაპრების“ ოპერატორი თურქეთში გერასუნის საავადმყოფოში გარდაიცვალა. 60 წლის მამაკაცი ხელოვნური სუნთქვის აპარატზე იყო მიერთებული.
როგორც ოჯახის ახლობლები ექიმზე დაყრდნობით აცხადებენ, პაციენტს ძლიერი სისხლჩაქცევები განუვითარდა და მისი გადარჩენის შანსი აღარ არსებობდა.
ავტოსაგზაო შემთხვევა თურქეთში, გერასუნის გუბერნიაში ორი დღის წინ მოხდა. ანსამბლ „ერისიონის” საბავშვო სტუდია „ლაპრების” წევრები თბილისიდან ბულგარეთში ფესტივალზე მიემგზავრებოდნენ.
აჭარის ჯანდაცვის სამინისტროს ინფორმაციით, ამ ეტაპზე, გადმოსვენებისთვის საჭირო პროცედურები მიმდინარეობს.
თურქეთში სამედიცინო დაწესებულებებში ავარიის შედეგად დაშავებული ოთხი ადამიანი რჩება.
მაჩვენე მეტი