საერთაშორისო პარტნიორების მხარდაჭერით მშვიდობიან, კონსტრუქციულ რეჟიმში უნდა შევძლოთ, რომ რუსეთთან პოლიტიკურად დავარეგულიროთ ჩვენი კონფლიქტი და ოკუპირებული ხაზის ორივე მხარეს მცხოვრები ჩვენი მოსახლეობა შევარიგოთ, გავაერთიანოთ ჩვენი ქვეყანა, -ამის შესახებ საქართველოს პრემიერ-მინისტრმა მთავრობის სხდომაზე განაცხადა.
„ჩვენს ოკუპირებულ რეგიონებში რუსეთის მაღალი თანამდებობის პირების ვიზიტი და განცხადებები ემსახურება იმ პოლიტიკის გაგრძელებას, რომლის მოწმენიც ჩვენ ვართ. ეს არის საქართველოსთვის ძალისმიერად წართმეული რეგიონების მდგომარეობის დაკანონების მცდელობა. ჩვენ ყველაფერი უნდა გავაკეთოთ, რომ ჩვენი საერთაშორისო პარტნიორების მხარდაჭერით მშვიდობიან, კონსტრუქციულ რეჟიმში შევძლოთ, რუსეთთან პოლიტიკურად დავარეგულიროთ ჩვენი კონფლიქტი და ოკუპირებული ხაზის ორივე მხარეს მცხოვრები ჩვენი მოსახლეობა შევარიგოთ, გავაერთიანოდ ჩვენი ქვეყანა. ეს არის ჩვენი მთავარი ამოცანა და ამ ამოცანის წარმატებით განხორციელებაში არც ერთ ჩვენგანს ეჭვი არ ეპარება“,- აღნიშნა გიორგი კვირიკაშვილმა.