“ბიომასის ენერგიის გამოყენების შესაძლებლობები საქართველოში” - ენერგეტიკის მინისტრმა სამუშაო შეხვედრა გახსნა.
ილია ელოშვილის თქმით, საქართველოში არსებობს მყარი ბიომასის საკმაოდ დიდი რაოდენობა, რაც შესაძლებელია გამოყენებული იყოს თანამედროვე ბიოსაწვავის წარმოებისთვის. ბიომასა მოიცავს სასოფლო-სამეურნეო და ასევე სატყეო და მერქნის დამუშავების ნარჩენებს.
მინისტრის განმარტებით, განახლებული ენერგიის ათვისება გაზრდის ქვეყნისა და ენერგომომხმარებლების ენერგეტიკულ და ეკონომიკურ უსაფრთხოებას. ასევე შეშის ჩამნაცვლებელი საწვავის შეთავაზებით ხელს შეუწყობს არალეგალური ხის ჭრის აღმოფხვრას და ეკოლოგიური კრიზისის შემცირებას. შეხვედრას სოფლის მეურნეობის მინისტრი, ლიტვის ბიომასის ენერგიის ასოციაციის პრეზიდენტი და მესამე სექტორის წარმომადგენლები ესწრებოდნენ.