ახალი სასწავლო წელი საჯარო სკოლებში - წელს საჯარო და კერძო სკოლებში 575 000 მოსწავლე ისწავლის, აქედან 56 ათას 300 პირველკლასელია. უფასო სახელმძღვანელოებს საჯარო სკოლის პირველიდან მეთორმეტე კლასის ჩათვლით წელსაც ყველა მოსწავლე მიიღებს.

წიგნებს მიიღებენ ის მოზარდებიც, რომლებიც ოკუპირებული ახალგორისა და აფხაზეთის ტერიტორიაზე არსებულ ქართულ სკოლებში სწავლობენ. ყველა საჯარო სკოლის პირველკლასელს ასევე საჩუქრად პორტაბელური კომპიუტერი გადაეცა.

კომპიუტერი დაურიგდათ პირველკლასელების დამრიგებლებსაც. სასწავლო წლის დაწყება 143-ე საჯარო სკოლის მოსწავლეებსა და პედაგოგებს დღეს განათლების მინიტრმა მოულოცა.