სექტემბერი 18, 2017
130
ცნობილ ქართველ საოპერო მომღერალს ზურაბ სოტკილავას თბილისში 23 სექტემბერს დაკრძალავენ.
ინფორმაცია პირველ არხს საქართველოს კულტურის სამინისტროში დაუდასტურეს, სადაც დღეს ზურაბ სოტკილავას დამკრძალავი კომისიის სხდომა გაიმართა.
ზურაბ სოტკილავას თბილისში 20 სექტემბერს საღამოს ჩამოასვენებენ, მანამდე კი სამოქალაქო პანაშვიდი მოსკოვის დიდი თეატრში გაიმართება.
თბილისში სამოქალაქო პანაშვიდები მომღერლის საცხოვრებელ ბინაში, შემდეგ კი ოპერის თეატრის წითელ დარბაზში გაიმართება.
ჯერ საბოლოოდ გადაწყვეტილი არ არის, თბილისში რომელ სასაფლაოზე დაკრძალავენ ზურაბ სოტკილავას.
ზურაბ სოტკილავა 80 წლის ასაკში მძიმე ავადმყოფობის შემდეგ მოსკოვის საავადმყოფოში გარდაიცვალა.
მაჩვენე მეტი