ბათუმში საერთაშორისო სარეკლამო ფესტივალი Ad Black Sea გაიხსნა. ფესტივალი check in georgia-ს მხარდაჭერით მიმდინარეობს და მისი ორგანიზატორები არიან საქართველოს საკომუნიკაციო სააგენტოს ასოციაცია და უკრაინის სარეკლამო კოალიცია.

სამი დღის განმავლობაში, ბათუმში, მსოფლიოს სხვადასხვა ქვეყნის სარეკლამო ინდუსტრიის წარმომადგენლები მოიყრიან თავს. წელს ფესტივალში მონაწილეობას მიიღებენ მსოფლიოს 20-მდე ქვეყნის სარეკლამო ბიზნესში დასაქმებული კომპანიები, რომლებიც თავიანთ პროდუქციას წარმოადგენენ.

ფესტივალის გამარჯვებულებს 10 ნომინაციაში საერთაშორისო ჟიური გამოავლენს. ჟიურის შემადგენლობაში შედიან სარეკლამო სფეროს მსოფლიოში ცნობილი სპეციალისტები, საერთაშორისო ფესტივალებისა და კონკურსების არაერთგზის გამარჯვებულები.

ჟიური გამარჯვებულ მონაწილეებს ოქროს, ბრინჯაოსა და ვერცხლის მედლებით დააჯილდოვებს. საუკეთესო კომპანიას კი გადაეცემა გრანპრი. ფინალური შედეგები 23 სექტემბერს AD Black Sea 2017-ის დაჯილდოების ცერემონიაზე გამოცხადდება.

საქართველოში ფესტივალი Ad Black Sea პირველად 2015 წელს ჩატარდა.