23 სექტემბერს, Check in Georgia-ს მხარდაჭერით, ბათუმში საერთაშორისო სარეკლამო ფესტივალი Ad Black Sea დასრულდა. სამი დღის განმავლობაში, ბათუმში, მსოფლიოს სხვადასხვა ქვეყნის სარეკლამო ინდუსტრიის წარმომადგენლებმა მოიყარეს თავი.

Ad Black Sea 2017-ის მიზანი საქართველოში სარეკლამო ინდუსტრიის განვითარება, სარეკლამო პროდუქტების ხარისხის გაზრდა და ამასთან, მონაწილეების წახალისებაა.

წელს ფესტივალში მონაწილეობა მიიღეს მსოფლიოს 20-ამდე ქვეყნის სარეკლამო ბიზნესის წარმომადგენლებმა.

კრეატიული სარეკლამო პროექტები 10 ნომინაციაზე წარადგინეს: Film, Film & Craft, Print & Publishing, Out of Home, Radio, Design & Branding, Digital & Mobile, Advertising Campaigns, Media, Branding Content & Visual Storytelling.

საერთაშორისო ჟიურიმ გამარჯვებული მონაწილეები ოქროს, ბრინჯაოსა და ვერცხლის მედლებით დააჯილდოვა. წლის საუკეთესო ქართულ სააგენტოდ ლივინგსტონი დასახელდა.