კატალონიაში ჩატარებულმა ე.წ. რეფერენდუმმა აზრთა სხვადასხვაობა ესპანურ საფეხბურთო სამყაროშიც გამოიწვია. რამდენიმე კატალონიური კლუბი რეფერენდუმის მომხრეა.
რომელ საფეხბურთო ლიგაში ითამაშებენ კატალონიური საფეხბურთო გუნდები და რა ბედი ეწევა მსოფლიოში ერთერთ ყველაზე პოპულარულ კლუბ ბარსელონას, რომელიც გარდა ფეხბურთისა, სხვა სათამაშო სახეობებსაც აერთიანებს, რომლებიც ნებისმიერ ევროტურნირზე ფავორიტებად განიხილებიან.
"უფრო მეტი ვიდრე, საფეხბურთო კლუბი" - მსოფლიოს ერთ-ერთი ყველაზე პოპულარული გუნდის, ბარსელონას მომავალი ბუნდოვანია.
კატალონიაში მიმდინარე პოლიტიკური პროცესების ფონზე ესპანური მედია აქტიურად საუბრობს თემაზე, დარჩება თუ არა და რა ფორმით გააგრძელებს საფეხბურთო გრანდი ესპანეთის ჩემპიონატში ასპარეზობას.