კომპანია ალბატროსის ხელმძღვანელები აცხადებენ, რომ საწარმოში დასაქმებულების პროტესტი გარედან მართული იყო, რაც კომპანიის დაზარალებას ისახავს მიზნად. ისინი ინიციატორების დასახელებისგან, ჯერჯერობით, თავს იკავებენ, თუმცა მიაჩნიათ, რომ თანამშრომლები ამ პროვოკაციის მსხვერპლნი არიან.

კომპანიის ხელმძღვანელების განცხადებით, მომხდარი იმ თანამშრომელთა პროტესტმა გამოიწვია, რომლებსაც კომპანიამ 6 თვის განმავლობაში შეცდომით 12 ათასი ლარი გადაურიცხა და როდესაც ამ თანხების უკან დაბრუნება მოითხოვა, ამას მოჰყვა ფიზიკური და სიტყვიერი დაპირისპირება კომპანიის წარმომადგენლებსა და მუშებს შორის. ამის შედეგად ერთ-ერთი დაშავებული ღუდუშაურის კლინიკაში მკურნალობს.

მომხდარ ფაქტს სამართალდამცველები სწავლობენ.