ევროკავშირი საქართველოს პროფესიული განათლების კუთხით წლებია დახმარებას უწევს და ეს მხარდაჭერა მომავალშიც აუცილებლად გაგრძელდება. რამდენიმე დღის წინ პროგრამის ახალი ეტაპი ამოქმედდა, რომელიც 5 წლის განმავლობაში 150 მილიონ ლარზე მეტის დახარჯვას გულისხმობს.
ქვეყნის ეკონომიკური ცვლილებები პირდაპირ კავშირშია შრომის ბაზრის ცვლილებებთან, ამიტომ ეკონომიკის ახალ ეტაპზე გადასვლას ქვეყანაში თან სდევს დასაქმების სფეროში ადეკვატური საბაზრო ურთიერთობების წარმოშობა და შესაბამისად მისთვის დამახასიათებელი ახალი ტიპის შრომის ბაზრის ფორმირება. საბჭოთა კავშირის დაშლის და დამოუკიდებელი საქართველოს რეალობაში სრულიად განსხვავებული აწმყო გვიდგას. ჩვენ დიდი ხანია აგრარული ქვეყანა აღარ ვართ, რამდენჯერაც უნდა გავიმეოროთ რომ ვართ ვიდრე ამ მიმართულებით დასაქმებულთა ნაყოფიერება ჰოლანდიელი ფერმერის შემოსავლის თუნდაც ნახევარს არ მიაღწევს, ან ქვეყნის ეკონომიკაში მნიშვნელოვან წვლილს არ შეიტანს მხოლოდ ყურძენი და ღვინო ვერაფერს გახდება. ტურიზმიდან შემოსავლების მიღებაზე ორიენტირებულ საქართველოში დღეს სერვისების პრობლემაა. ეს მაშინ როცა უმუშევრობის დონე საკმაოდ მაღალია და ამავე დროს არ ვიცით რა პროფესიის ადამიანები გვყავს დაუსაქმებელი. რა სამუშაო ძალას ითხოვს დასაქმების ბაზარი. მოკლედ არ გვაქვს სრულყოფილი სტატისტიკური მონაცემები, რომელიც ამ მიმართულებით ანალიზის საშუალებას მოგვცემდა.

სტუმარი: თამილა ბარკალაია - ჯანდაცვის მინისტრის მოადილე