გასულ კვირას მთავრობამ ანტიკრიზისული გეგმა წარადგინა, რომელიც ეკონომიკის გახსნის 6 ეტაპსაც მოიცავდა. ყოველ ეტაპზე სხვადასხვა ეკონომიკური საქმიანობების გააქტიურება იგეგმება. 27 აპრილიდან აღდგა როგორც მსუბუქი ავტომობილების, ისე ტაქსების გადაადგილება, ასევე განახლდა ონლაინ ვაჭრობაც, მომდევნო ეტაპებზე კი პერიოდულად საქმიანობებეს განაახლებენ სხვადასხვა კომპანიები. თუმცა ეკონომიკის გახსნის არცერთ ეტაპზე არ არის ნახსენები საზოგადოებრივი ტრანსპორტის ფუნქციონირების საკითხი, პრემიერმა ამასთან დაკავშირებითაც გააკეთა კომენტარი და აღნიშნიშნა, რომ საზოგადოებრივი ტრანსპორტის აღდგენა დამოკიდებულია ქვეყანაში ეპიდემიურ სიტუაციაზე, შესაბამისად, თუ როდის აღდგება ქვეყანაში მეტრო ან როდის დაიწყებენ ავტობუსები თბილისის ქუჩებში სიარულს დღემდე უცნობია. ანუკა ჯოხაძე მუშაობდა თემაზე, როგორია ამ მიმართულებით საერთაშორისო გამოცდილება, როგორ მუშაობს ეპიდემიის დროს სხვა ქვეყნებში საზოგადოებრივი ტრანსპორტი და რომელ ეტაპზე არის გამართლებული ჩვენს ქვეყანაში ტრასპორტის აღდგენა?


#ახალიამბები #BusinessMediaGeorgia