2023 წელს საბიუჯეტო ორგანოებში სახელფასო ფონდი იზრდება. 2023 წლის ბიუჯეტის პროექტის მიხედვით, შრომის ანაზღაურებისთვის მომავალ წელს 2 212 258 600 ლარი დაიხარჯება, რაც 2022 წლის გეგმასთან შედარებით, 377 844 600 ლარით მეტია (2022 წლის გეგმა 1 834 414 000 ლარი).

აღსანიშნავია, რომ ხელფასების ზრდა დასაქმებულთა რაოდენობის ზრდის ხარჯზე არ იგეგმება, ზოგიერთი სამინისტროს შემთხვევაში კლებაც კია დაგეგმილი. მაგ. შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი - დასაქმებულთა რაოდენობა კვლავ 46 ადამიანი იქნება, შრომის ანაზღაურებაზე კი 1 430 000 ლარის ნაცვლად 1 800 000 ლარია გამოყოფილი.

საქართველოს ფინანსთა სამინისტროში კვლავ 5 168 ადამიანი იქნება, შრომის ანაზღაურებაზე კი 59 004 800 ლარის ნაცვლად, 64 900 000 ლარია გამოყოფილი

ეკონომიკისა და მდგრადი განვითარების სამინისტროში დასაქმებულთა რაოდენობა 524 კაციდან 563 ადამიანამდე იზრდება, შრომის ანაზღაურებაზე კი 14 626 900 ლარის ნაცვლად, 17 967 000 ლარია გამოყოფილი.

საქართველოს რეგიონული განვითარებისა და ინფრასტრუქტურის სამინისტროში ასევე 318 ადამიანი იქნება დასაქმებული, შრომის ანაზღაურებაზე კი 11 605 000 ლარის ნაცვლად, 12 730 000 ლარია გამოყოფილი.

საქართველოს იუსტიციის სამინისტრო - 5 091 ადამიანი იმუშავებს, შრომის ანაზღაურებაზე კი 96 191 400 ლარის ნაცვლად, 111 460 000 ლარია გამოყოფილი.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო - დასაქმებულთა რაოდენობა 2 884 ადამიანიდან 2 808 ადამიანამდე შემცირდება. შრომის ანაზღაურება კი 49 669 400 ლარიდან 58 110 000 ლარამდე გაიზრდება.

საქართველოს საგარეო საქმეთა სამინისტრო - დასაქმებულთა რაოდენობა არ იცვლება და 2022 წლის გეგმის მსგავსად 2023 წელსაც 784 ადამიანი იქნება, შრომის ანაზღაურებაზე კი 12 062 600 ლარის ნაცვლად, 13 869 900 ლარია გამოყოფილი.


#ახალიამბები #BusinessMediaGeorgia