2024 წელს საერთაშორისო ვიზიტორების მიერ განხორციელებული ვიზიტები 2023 წელთან შედარებით 4.6%-ით გაიზარდა და 6.4 მილიონს გადააჭარბა. მიუხედავად ამისა, ვიზიტორების რიცხვი 2019 წლის მაჩვენებელს ჯერ კიდევ 16%-ით ჩამორჩება.

საერთაშორისო ვიზიტორების მიერ განხორციელებული ვიზიტებით კვლავ რუსეთი ლიდერობს, საიდანაც 2024 წელს 1 42 1923 ვიზიტი შედგა, წლიურ ჭრილში ზრდა უმნიშვნელო - 0.2%-ია.

ყველაზე მეტი ვიზიტი 2024 წელს შემდეგი ქვეყნებიდან იყო: რუსეთი, თურქეთი, სომხეთი, ისრაელი, აზერბაიჯანი, ყაზახეთი, ირანი, ბელარუსი, ინდოეთი, უკრაინა, ჩინეთი, საუდის არაბეთი, გერმანია, პოლონეთი და უზბეკეთი.
როგორც სტატისტიკიდან ჩანს ევროკავშირის ვერცერთი ქვეყანა ათეულში ვერ მოხვდა.

რაც შეეხება ევროკავშირის ქვეყნებს, 2024 წელს ევროკავშირის ქვეყნებიდან 438 414 ვიზიტი შედგა, 2023 წელთან შედარებით ვიზიტები მხოლოდ 4%-ით არის გაზრდილი.

ტურიზმის ეროვნული ადმინისტრაციის მეთოდოლოგიით, ვიზიტორი 15 წლის ან უფროსი ასაკის პირია, რომელიც ქვეყნიდან ერთ წელზე ნაკლები დროით გავიდა. ვიზიტორებში არ შედიან: დასაქმების მიზნით წასულები; დიპლომატები; შეიარაღებული ძალების წევრები ან მათ კმაყოფაზე მყოფი პირები. ტურისტი არის ვიზიტორი, რომელმაც, სულ მცირე, ერთი ღამე მაინც გაათენა უცხო ქვეყანაში; ერთდღიანი ვიზიტორი (ექსკურსანტი) არის ვიზიტორი, რომელიც ღამეს არ ათენებს საქართველოს ტერიტორიაზე. რამდენად წარმატებული იყო წელი ინდუსტრიისთვის?

სტუმარი: გიორგი დოლიძე - HSC Group Hospitality დირექტორი და სასტუმრო Glarros OldTown-ის მმართველი

#ახალიამბები #BusinessMediaGeorgia