ტყვიაგაუმტარი დივანი შეიარაღებული თავდამსხმელების მოსაგერიებლად

19 აგვისტო 00:39
246

ამერიკულმა კომპანია ” Charles Alan Inc”-მა შექმნა პირველი ტყვიაგაუმტარი დივანი მასში ჩამონტაჟებული იარაღის საწყობი ყუთით.

გამოგონების ავტორის მიერ ”Couch Bunker”-ად წოდებული დივანი პირდაპირი დანიშნულებითაც გამოიყენება, მაგრამ დამატებით მასში არის ჩამონტაჟებული ფარული სეიფი, სადაც იარაღის მთელი არსენალი განთავსდება. კიდევ მეტი - დივანის ბალიშები ტყვიაგაუმტარია და უძლებენ ახლო მანძილიდან სროლას 44-ე კალიბრის ”მაგნუმიდან”. ამდენად, მათი გამოყენება შეიძლება ფარად შეიარაღებული თავდასხმის დროს.

ეს საავეჯე სიახლე, რომელიც სულ რაღაც 6 ათასი დოლარი ღირს, აშშ-ში შეიძლება იქცეს ნამდვილ ჰიტად: გამომგონებელი იღებს შეკვეთებს დივანებზე როგორც სახლისათვის, ისე - საოფისედაც.