ლეგალურად „მოწეულში“ მყოფი მძღოლები ტრასაზე

03 მაისი 16:15
1091

მას შემდეგ, რაც ამერიკის შტატებმა - ვაშინგტონმა და კოლორადომ ლეგალურად ცნეს მარიხუანის მინიმალური რაოდენობა მძღოლების სისხლში, ადგილობრივი ტელევიზიის მუშაკებმა სცადეს შემოწმება, ასე უწყინარია თუ არა რამდენიმე ნაფაზი, როგორც ამას თვლის ხელისუფლება. როდესაც დაადგინეს, რომ ზემოაღნიშნული რაოდენობა უფრო მომადუნებელი იყო, ვიდრე მძღოლის კონდიციაში მომყვანი, ექსპერიმენტის მონაწილეებს შესთავაზეს მადიანად მოეწიათ და ყველაფერი ეს დააფიქსირეს ვიდეოზე.

„The Daily Mail“-ის ცნობით მეცნიერებმა ზუსტად იციან, თუ სისხლში ალკოჰოლის რა რაოდენობა უშლის მძღოლს მანქანის ადექვატურად მართვაში, ხოლო კანაბისზე მსგავსი სტატისტიკა აქამდე არ დაფიქსირებულა.

ექსპერიმენტში, რომელიც სიეტლის „KIROTV“-ის მიერ იყო ორგანიზებული, მონაწილეობდა სამი მოხალისე. შედეგად ერთმა საკუთარ ცხვირს ვერ მიაგნო თითით, ხოლო მეორემ სიცილით აღიარა, რომ ნამეტნავად "დაგრუზული" ბრძანდებოდა.

ყველაზე „გამოცდილი“ მწეველი, 27 წლის ედი ნორტონი, რომელიც მარიხუანას ეწევა სამედიცინო ჩვენების მიხედვით, ტესტების ჩასაბარებლად მოვიდა სისხლში დაშვებულ ლიმიტზე სამმაგად მეტი დოზით - სახლში უკვე მოწეული ჰქონდა. ექსპერიმენტის ჩარჩოებში პირველი 0,3 გრამი „Blueberry Trainwreck“-ის მოწევის შემდეგ მან განაცხადა, რომ ვერაფერიც ვერ იგრძნო.

კონუსებით დაყოფილ ტრასაზე ინსტრუქტორთან ერთად მგზავრობისას ის კარგად მოძრაობდა, თუმცა, ჩვეულებრივზე უფრო ნელა. შემდეგ ერთ კონუსს დაეჯახა. ამ დროს მის სისხლში ნარკოტიკის კონცენტრაცია დაშვებულ ლიმიტს აღემატებოდა 7-ჯერ.

ორი სხვა მძღოლიც - 34 წლის დილან ევანსი და 56 წლის ჯეფ უდენბერგი ასევე 0,3 გრამი მარიხუანის ზემოქმედების ქვეშ იყვნენ. ევანსმა თქვა, რომ იშვიათად ეწევა (მოწევისას ახველებდა.) უდენბერგმაც აღნიშნა, რომ დროდადრო ერთობა. ორივემ დაადასტურა პირველივე რაუნდის შემდეგ, რომ იგრძნეს „ეფექტი“, თუმცა მნიშვნელოვანი შენიშვნები არ დაუმსახურებიათ.

შემდეგ ექსპერიმენტატორებმა სამივეს დაუმატეს მოსაწევის რაოდენობა, ისე რომ თითოეულზე მოდიოდა „Blueberry Trainwreck“-ის 0,9 გრამი. და ვეღარც ერთმა მათგანმა ვეღარ შეძლო მანქანის ფლობა.