ამოუცნობი ვიდეოები

28 ივნისი 22:31
1608

ივნისის ბოლოს სოციალურ ქსელში გამოჩნდა მისტიური ვიდეო, რომელიც მანჩესტერის მუზეუმში იყო გადაღებული.

მუზეუმში, თავისთავად დაიწყო მოძრაობა ეგვიპტური ღმერთის ქანდაკებამ. გთავაზობთ, რამდენიმე ასეთ ვიდეოს. შეიძლება რომელიმე მათგანი ფალსიფიკაციაა, შეიძლება სინამდვილე:

დიდი რეზონანსი გამოიწვია ვიდეორგოლმა, რომელიც ქსელში 2012 წელს გამოჩნდა. მასზე ასახულია, თუ როგორ გადაარჩინა ველოსიპედისტი სატვირთო მანქანის ბორბლებს, ჰაერიდან მოვლენილმა ქალმა. ამ ვიდეორგოლის ირგვლივ დავა დღემდე არ ცხრება.

მივიწყებულ ბინაში გასეირნება, შეიძლება უცხოსთან შეხვედრით დასრულდეს. სწორედ ეს დაემართა ვიდეორგოლის ავტორს. მისი კამერის ობიექტივში პატარა გოგონას საშინელი სახე მოხვდა. რა არის ეს, გოგონას მოჩვენება, თუ თოჯინა, რომელიც სახლის ძველმა მეპატრონეებმა დატოვეს?

უცნაური ვიდეო სახელწოდებით "რუსულ ტყეში მფრინავი გოგონა" 2009 წელს გამოჩნდა. ვიდეოს ავტორი, ტყეში ძაღლთან ერთად სეირნობის დროს, წითელ ქურთუკში, ჰაერში ჩამოკიდებულ გოგონას დაინახავს. გოგონას გვერდით თანმხლები პირია. როგორც კი ეს ორი უცნაური არსება, უცხო ადამიანს დაინახავს, გოგონა ეშვება მიწაზე და ერთად გარბიან. ეს ვიდეო, უკვე, 2 მილიონმა ადამიანმა ნახა. დღემდე არ ცხრება დავა, რეალობაა ეს თუ ფალსიფიკაცია.

ამ ვიდოერგოლში, რომელიც ასევე 2009 წელს გამოჩნდა, გოგონა სამფრთიან სარკეში იხედება. როცა გოგონა შემოტრიალდება, მისი ერთერთი გამოსახულება შეშდება და მას უყურებს. ინტერნეტმომხმარებლები დაობენ - ეს მისტიური სარკეა თუ, მონტაჟი.

2010 წელს ქსელში განთავსდა კიდევ ერთი საოცარი ვიდეო. მასში სატვირთო მანქანა გვირაბში მოძრაობს, მოულოდნელად მას "იგივე" მანქანა ეჯახება, რომელიც თითქოსდა კედლიდან გადმოვიდა. საინტერესოა, რომ ქსელის მომხმარებლები მიიჩნევენ, რომ ეს ნამდვილად ავტოსაგზაო შემთხვევაა და არანაირი მისტიკა.

ამჟამად ქსელში პოპულარულია ვიდეო, რომელიც მანჩესტერის მუზეუმშია გადაღებული, სადაც მოძრაობა დაიწყო ეგვიპტური ღმერთის ქანდაკებამ. ვიდეოზე ჩანს, რომ ქანდაკება მოძრაობს საკუთარი ღეძის გარშემო და მხოლოდ დღისით, მაშინ როცა მუზეუმში მნახველები არიან, და ღამით არასოდეს.