- პრეზიდენტმა ხელი მოაწერა საარჩევნო კოდექსში ცვლილებების პაკეტს, რომლის მიხედვით 2016 წლის საპარლამენტო არჩევნები მეტ-ნაკლებად გათანაბრებული მაჟორიტარული ოლქების პირობებში ჩატარდება. თუმცა, გიორგი მარგველაშვილი ამბობს, რომ ეს არ არის საარჩევნო სისტემის რეალური რეფორმა და მისთვის გაუგებარია, რატომ უნდა გადაიდოს პროპორციულ საარჩევნო სოსტემაზე ქვეყნის გადასვლა 2020 წლისათვის, მაშინ, როდესაც ამ სისტემის უპირატესობაზე დღესაც ყველა თანხმდება.
- დღეს გამართულ მთავრობის სხდომაზე რეგიონული განვითარებისა და ინფრასტრუქტურის მინისტრმა მოსახლეობას ბოდიში მოუხადა იმის გამო, რომ ახალი წლის დღეებში საქართველოს რამდენიმე რეგიონში გზებზე გადაადგილება შეუძლებელი იყო. ჯავახიშვილმა კონტრაქტორ კომპანიებთან ურთიერთობის სირთულეზეც ისაუბრა.
- ეკა ბესელიას ადვოკატმა საკრებულოს დეპუტატ ალეკო ელისაშვილისა და გაზეთ ქრონიკა +ის რედაქტორის ელისო კილაძის წინააღმდეგ სასამართლოში სარჩელი შეიტანა. საქმე ეხება ე.წ შეწყალების კომისიის გარშემო განვითარებულ მოვლენებს და ამ საკითხთან დაკავშირებით ელისაშვილისა და კილაძის მიერ გაკეთებულ განცხადებებს.