- ენერგეტიკის მინისტრი კახა კალაძე ამბობს, რომ Gazprom საქართველოს აზერბაიჯანულთან შედარებით იაფ გაზს სთავაზობს. კალაძის თქმით, ამ ბუნებრივი აირის შესყიდვის შემთხვევაში საქართველო დააბალანსებს იმ დეფიციტს, რომელსაც ის სოკარისგან ვერ ავსებს.
ვიცეპრემიერი ირწმუნება, რომ სოკარს არ შეუძლია საქართველოს ბუნებრივი აირის მოთხოვნის სრულად დაკმაყოფილება, რისი მიზეზიც მილების გამტარუნარიანობა და ბუნებრივი აირის მოხმარების სეზონურობაა.

- სოკარის გენერალური დირექტორის მაჰირ მამედოვის თქმით, ქართული გაზის ბაზარი წელიწადში დაახლოებით 10%-ით იზრდება და აზერბაიჯანულ მხარეს ამ მოთხოვნის სრულად დაკმაყოფილება შეუძლია.

- ერთიანი ნაციონალური მოძრაობა გაზპორმთან მიმდინარე მოლაპარაკებების გამო კახა კალაძის პარლამენტში დაბარებას მოითხოვს. პარტიაში მიაჩნიათ, რომ გაზპრომთან მიმდინარე მოლაპარაკებები საქართველოს ენერგოდამოუკიდებლობას ასუსტებს და აზერბაიჯანთან ურთიერთობებზეც უარყოფითად აისახება.
კალაძე ირწმუნება, რომ გაზპრომთან მოლაპარაკებებს ქვეყნისთვის საზიანოდ მხოლოდ ნაციონალური მოძრაობა ხატავს. ამ მოლაპარაკებების აუცილებლობაზე საუბრობენ საპარლამენტო უმრავლესობის დეპუტატებიც.

- ლარის კურსი სამთვიანი სტაბილურობის შემდეგ დაიძრა
კურსის დასტაბილუროების მიზნით ეროვნულმა ბანკმა 2016 წლის პირველი სავალუტო ინტერვენცია მოახდინა, სავალუტო აუქციონზე ბანკმა 20 მილიონი დოლარი დახარჯა, რის შედეგადაც კურსი ნახევარი თეთრით გამყარდა.
სულ მცირე 10 ადამიანი დაიღუპა თურქეთში, სტამბოლის ცენტრში აფეთქების შედეგად, 15 კი დაშავდა. შემთხვევა სტამბოლის ისტორიულ და ტურისტულ უბანში, სულთანაჰმედში, ლურჯი მეჩეთის სიახლოვეს მოხდა.
საუბრის დასასრული