- სამეგრელო-ზემო სვანეთის საოლქო სამხარეო პროკურორის მკვლელობაში ბრალდებულის, გარდაცვლილ ბიძინა კუჭავას ოჯახს გამოძიებასთან კითხვები აქვს. კუჭავას ოჯახის წევრების თქმით, ცხედარს დაზიანებები აქვს, რის გამოც პროცესში კერძო ექსპერტის ჩართვას მოითხოვენ. საქმეში უკვე ჩაერთო კერძო ექსპეტი მაია ნიკოლეიშვილი.
გამოძიებასთან შეკითხვები მოკლული პროკურორის ოჯახის წევრებსაც აქვთ. ვახტანგ ქირიას ნათესავები პროკურატურისგან საქმის მოტივის დასახელებას და მტკიცებულებების გამოქვეყნებას მოითხოვენ.

- პარლამენტის ადამიანის უფლებათა დაცვისა კომიტეტის თავმჯდომარე ეკა ბესელია საპასუხო ბრალდებებით გამოდის და ალეკო ელისაშვილის შესაძლო კორუფციულ გარიგებებში მონაწილეობაზე საუბრობს. ბესელია უახლოეს დღეებში შეწყალების კომისიის ყოფილი და მოქმედი თავმჯდომარეების გადაწყვეტილებების შესახებ პატიმრების წერილების გამოქვეყნებასაც გეგმავს.

- სირიაში კიდევ ორი პანკისელი ახალგაზრდა დაიღუპა. გარდაცვლილები არიან სოფელ ბირკიანში მცხოვრები 24 წლის რამზან ფარეულიძე და სოფელ ომალოს მკვიდრი, 22 წლის მუხმად თურქოშვილი. ორივე მათგანი ტერორისტული ორგანიზაცია ისლამური სახელმწიფოს რიგებში იბრძოდა.