“ნიცას” თავდამსხმელს - მარიო ბალოტელის წითელი ბარათი მოუხსნეს.
საფრანგეთის ჩემპიონატის მე-8 ტურში, “ლორიანთან” მატჩში ბალოტელი ორი ყვითელი ბარათის გამო მოედნიდან გააძევეს. ავტომატურად მიღებული წითელი ბარათი კი, რა თქმა უნდა დისკვალიფიკაციას ნიშნავდა და მარიოს “ლიონთან”, ჩემპიონატის მე-9 ტურის მატჩის გამოტოვება უწევდა.
თუმცა, “ნიცამ” ბალოტელის მეორე ყვითელ ბარათზე აპელაცია შეიტანა და ეს საქმე მოიგო.
“მსაჯმა აღიარა, რომ მატჩის კომპენსირებულ დროში მარიოს ყვითელი ბარათი შეცდომით უჩვენა. მისი მხრიდან ეს პროფესიონალური საქციელია, რომელიც დაგვეხმარა, რომ სამართლიანობა აღგვედგინა. ბალოტელი დასჯილი აღარ არის და მას შეუძლია ითამაშოს” - განაცხადა საფრანგეთის ლიგის პრეზიდენტმა.
#სპორტი