არგენტინის ეროვნულმა ნაკრებმა პრესას ბოიკოტი გამოუცხადა. ამის მიზეზი კი, ჟურნალისტის - გაბრიელ ანელოს მიერ გავრცელებული ინფორმაცია გახდა, რომელმაც ტვიტერზე დაწერა, რომ არგენტინის ნაკრების საწვრთნელ ბაზაზე, შეკრების მიმდინარეობისას, ეზეკიელ ლავეციმ მარიხუანა მოწია და ამიტომ ის მწვრთნელმა განაცხადში არ შეიყვანა.
ამ ამბავმა არგენტინის ნაკრების ფეხბურთელები ისე აღაშფოთა, რომ კოლუმბიასთან მსოფლიოს 2018 წლის ჩემპიონატის საკვალიფიკაციო ეტაპის მატჩის დასრულების შემდეგ, მათ საგანგებო განცხადება გააკეთეს. 25 ფეხბურთელის საერთო აზრი გუნდის კაპიტანმა - ლიონელ მესიმ გაახმოვანა. პრესკონფერენციას უკლებლივ ყველა ფეხბურთელი ესწრებოდა.
#სპორტი