ესპანეთის თასის (კოპა დელ რეი) 1/16 ფინალში, მადრიდის "რეალის" მეტოქე, ესპანეთის მესამე დივიზიონის გუნდი, "ლეონესა" იქნება.

მესამე დივიზიონის ბინადრები წილისყრას ერთად ადევნებდნენ თვალყურს. მათ კარგად აქვთ გათვითცნობიერებული, რომ 1/8 ფინალში გასვლის შანსი მიზერულია, ამიტომ რომელიმე გრანდთან თამაში სურდათ. ვინ არ ოცნებობს "სანტიაგო ბერნაბეუზე" ან თუნდაც კატალონიაში "ნოუ კამპზე" თამაშს?

"სამეფო კლუბის" მეტოქეა... სიჩუმე... "ლეონესა" და ოცნებაც ახდა, მესამე დივიზიონელები "სანტიაგო ბერნაბეუს" ბალახზე იბურთავებენ. ოვაციებმაც არ დააყოვნა.

"კოპა დელ რეის" 1/16 ფინალური მატჩების პირველი შეხვედრები 30 ნოემბერს გაიმართება.

#სპორტი