საქართველოს საფეხბურთო ჩემპიონატში დღეს პლეი-აუტის შეხვედრები გაიმართა. გამოვლინდა ის ორი გუნდი, რომლებმაც უმაღლეს ლიგაში ადგილები შეინარჩუნეს.

ქობულეთის ჩელე არენაზე, "შუქურამ" ბოლნისის "სიონი" მიიღო. ამ წყვილის პირველი მატჩი ბოლნისში "სიონის" გამარჯვებით 4-3 დასრულდა.

საპასუხო შეხვედრაში კი ქობულეთელებმა 2-0 აჯობეს მეტოქეს. ანგარიში მე-40-ე წუთზე ალექსანდრე გურულმა გახსნა.

მეორე ტაიმის შუაში სტუმრები რიცხობრივ უმცირესობაში დარჩნენ. მთავარმა არბიტრმა მოედნიდან დავით ხურცილავა გააძევა.

94-ე წუთზე, შეხვედრას საბოლოო წერტილი ლევან კუტალიამ დაუსვა. გია გურულის გუნდი უმაღლეს ლიგაში რჩება.

დღესვე გორის "დილამ" და ლანჩუხითის "გურიამ" თენგიზ ბურჯანაძის სახელობის სტადიონზე, ფრედ 0-0 ითამაშეს. პირველი მატჩი გორელებს სტუმრად ჰქონდათ მოგებული ანგარიშით 2-0.