9 საათის განმავლობაში მიმდინარეობდა სხდომა, ე.წ. ციანიდის საქმეზე. სასამართლოზე მთავარ მოწმეს ირაკლი მამალაძეს მოუისმინეს.
დახურულ სხდომაზე დასასწრებად, მამალაძე შენობის მთავარი შესასვლელიდან არ შევიდა და მედიასთან კომენტარი არ გაუკეთებია. ირაკლი მამალაძემ ორივე მხარის შეკითხვებს უპასუხა.
შეფასებები ურთიერთსაწინააღმდეგო იყო. პროკურორის თქმით, მოწმემ დაადასტურა, რომ ბრალდებულს ციანიდი მკვლელობის მომზადებისთვის სჭირდებოდა. აღნიშნა, რომ მას ცუდი ურთიერთობა ჰქონდა პატრიარქის მდივან-რეფერენტ შორენა თეთრუაშვილთან და მოწმის ჩვენებიდან დადასტურდა, რომ ციანიდი სწორედ თეთრუაშვილის მოსაკლავად მიჰქონდა.
განსხვავებულია ადვოკატების განმარტება. უფლებადამცველები ამბობენ, რომ ირაკლი მამალაძე არა კონკრეტულ ფაქტებზე, არამედ საკუთარ შეფასებებსა და ვარაუდზე საუბრობდა. შემდეგი სხდომა 26 ივნისს ჩაინიშნა.