ე.წ. ციანიდის საქმეზე დღეს დაზარალებულად ცნობილ შორენა თეთრუაშვილს მოუსმინეს. პატრიარქის მდივან-რეფერენტის დაკითხვის მიმართ განსაკუთრებული ინტერესი იყო, რადგან ბრალდების მხარის ვერსიით, სწორედ მის მკვლელობას გეგმავდა დაკავებული დეკანოზი.

თუმცა დახურულ პროცესზე მიცემულ ჩვენებას პროკურორი და ადვოკატები სხვადასხვანაირად ჰყვებიან.

პროკურორი ჩვენების იმ ნაწილზე აკეთებს აქცენტს, რომლითაც, მისივე თქმით, დეკანოზსა და მდივან-რეფერენტს შორის უარყოფითი ურთიერთობა დასტურდება. თუმცა, თუ ადვოკატს დავეყრდნობით, თეთრუაშვილმა დღეს თქვა, რომ მამალაძეს მისი მოკვლის საბაბი არ ჰქონდა. დღევანდელ სხდომაზე სასულიერო პირებსაც კითხავენ.