ხმაურიანი განცხადებები ე.წ. ციანიდის საქმეზე - სასამართლოში დღეს ჭყონდიდის მიტროპოლიტი დაკითხეს, რომელიც დაკავების დღიდან გიორგი მამალაძეს პროვოკაციის მსხვერპლად აცხადებს.
დეკანოზის უდანაშაულობაზე მეუფე პეტრემ ამჯერად დახურულ პროცესზე ისაუბრა და უარყოფით კონტექსტში კიდევ ერთხელ ახსენა პატრიარქის მდივან-რეფერენტი შორენა თეთრუაშვილი, რომელსაც საქმეში დაზარალებულის სტატუსი აქვს.
მეუფეს ტონი დღეს განსაკუთრებით მწვავე იყო პროკურატურის მისამართით. მიტროპოლიტი ბრალდების მხარეს მიკერძოებაში ადანაშაულებს. კონტრბრალდებები ისმის პროკურორის მხრიდანაც.
გახმაურებულ საქმეზე დისტანციურად ჩვენებას, სავარაუდოდ, პატრიარქის დაცვის ყოფილი უფროსიც მისცემს. გიორგი მამალაძის ბრალეულობას სოსო ოხანაშვილიც თავიდანვე ეჭვქვეშ აყენებდა.