ე.წ. ციანიდის საქმეზე დღეს კათოლიკოს- პატრიარქის ძმისშვილი დაკითხეს. ბათუმის და ლაზეთის მიტროპოლიტი, მეუფე დიმიტრი ამბობს, რომ ჩვენების დროს გიორგი მამალაძესთან ურთიერთობაზე ისაუბრა.
დახურულ პროცესზე მოუსმინეს პატრიარქის დისშვილსაც, რომელმაც სასამართლო უკომენტაროდ დატოვა.
ბრალდების მხარის თქმით, დღეს დაკითხულმა მოწმეებმა დაადასტურეს, რომ პატრიარქის მდივან-რეფერენტი შორენა თეთრუაშვილი დეკანოზს კარიერულ წინსვლაში ხელს უშლიდა.
საპირისპირო ინფორმაციას ავრცელებენ ადვოკატები. სხდომაზე დაგეგმილი იყო ილია მეორის დაცვის სამსახურის ყოფილი უფროსის-სოსო ოხანაშვილის დაკითხვაც.
პროკურორის განმარტებით, ოხანაშვილი, რომელიც საქართველოში არ იმყოფება ჩვენების მიცემაზე ან დისტანციურ დაკითხვაზე უარს ამბობს. ადვოკატს კი ეჭვი აქვს, რომ ოხანაშვილის დაკითხვა ხელოვნურად ჭიანურდება.