ე.წ. ციანიდის საქმეზე დღეს იმ ექსპერტებს მოუსმინეს, რომლებმაც მომწამლავი ნივთიერების ქიმიური კვლევები და ფარული ჩანაწერების ექსპერტიზა ჩაატარეს.
დახურულ სასამართლო პროცესზე დაკითხეს ის ექსპერტიც, რომელმაც, გიორგი მამალაძის სახლიდან ამოღებული იარაღი შეისწავლა.
ადვოკატები დაინტერესდნენ, რატომ არ ჩატარდა იარაღზე თითის ანაბეჭდების დასადგენად შესაბამისი ექსპერტიზა.
რაც შეეხება ციანიდს,როგორც დაცვის მხარე განმარტავს, ექსპერტებმა დაადასტურეს, რომ მომწავლავი ნივთიერება ოქრომჭედლობაში აქტიურად გამოიყენება.
დღევანდელ სხდომაზე იმ მოწმესაც მოუსმინეს, რომელიც გამოძიების ცნობით გიორგ მამალაძის ხელმძღვანელობის დროს წმინდა იოაკიმეს და ანას სახელობის კლინიკაში ჩატარებულ აუდიტში მონაწილეობდა.
ბრალდების და დაცვის მხარეები მოწმეების ჩვენებებს სხვადასხვანაირად აღწერენ.