ეროვნულ საფეხბურთო ლიგაში 32-ე ტურის კიდევ ერთი მატჩი გაიმართა. თბილისის „ლოკომოტივი“ მიხეილ მესხის სახელობის სტადიონის სათადარიგო მოედანზე ფოთის „კოლხეთს“ დაუპირისპირდა.

63-ე წუთზე ნოდარ ქავთარაძემ თბილისელები დააწინაურა და „ლოკომოტივს" გამარჯვება მოუტანა (1:0).

თბილისელებმა 52 ქულა დააგროვეს, მე-5 ადგილზე არიან და „საბურთალოსთან“ ჩამორჩენა ქულამდე შეამცირეს. ფოთელები კი 20 ქულით ისევ გადათამაშების ზონაში არიან, მაგრამ ლიგიდან გავარდნის საფრთხის წინაშე დადგნენ.

32 ტური დღეს აჭარული დერბით დასრულდება, რომელიც არა ბათუმის სარაგბო არენაზე, არამედ სამტრედიის ეროსი მანჯგალაძის სახელობის სტადიონზე გაიმართება: ქობულეთის „შუქურა“ ბათუმის „დინამოს“ დაუპირისპირდება.