ევროკავშირის პროექტის „ევროკავშირის წყლის ინიციატივა პლიუსი აღმოსავლეთის პარტნიორობის ქვეყნებისათვის (EUWI+)“ ფარგლებში, გარემოს ეროვნული სააგენტოს ატმოსფერული ჰაერის, წყლისა და ნიადაგის ანალიზის ლაბორატორიას წყლის ხარისხის კვლევისთვის უახლესი ხელსაწყო-დანადგარები გადაეცა, რაც ლაბორატორიას აძლევს შესაძლებლობას გაზარდოს წყლის ხარისხის კვლევის კომპონენტები, თანამედროვე მეთოდებით განახორციელოს სამეცნიერო-კვლევითი ანალიზები და მომხმარებელს სერტიფიცირებული ლაბორატორიული მომსახურება შესთავაზოს. აღნიშნული ხელს შეუწყობს წყლისა და მდინარეთა აუზების დაცვას საქართველოში და მის ფარგლებს გარეთ.
ევროპელი პარტნიორების დახამრებით ეს აღჭურვილობა საქართველოს გარემოს ეროვნული სააგენტოს ლაბორატორიას მისცემს შესაძლებლობას წყლის ანალიზი სრულყოფილად ჩატარდეს. რას მოიცავს სრულად პროექტი და რა ტიპის გაუმჯობესებაზეა საუბარი ახალი ტექნოლოგიის პირობებში?


სტუმრები: ელინა ბაქრაძე - გარემოს ეროვნული სააგენტოს ატმოსფერული ჰაერის, ნიადაგისა და წყლის ლაბორატორიის უფროსი;
ზურაბ ჯინჭარაძე - პროექტის "EUWI+", ხელმძღვანელი