41 დღეა აქციები არ წყდება. საახალწლო დღეებში დედაქალაქში რუსთაველის გამზირზე "ჯადოსნური ახალი" წელი გრძელი სუფრით და საახალწლო განწყობით, შეკრება ორ, სამ, ოთხ, ხუთ, ექვს იანვარს და შობის აღნიშვნა მსვლელობით ქაშვეთის ეკლესიასთან. ქართული საზოგადოებისთვის ყველაზე გრძელი სადღესასწაულო დღეებიც 2025 წლის დადგომისას პროტესტთან ასიმილაციით შედგა. ყოველ დღე განსხვავებულია შეკრებილების რაოდენობაც და პროტესტის ფორმებიც თუმცა ამ დროში არ შეცვლილა არც მოთხოვნა და არც მოთხოვნის ადრესატთა პოზიციები. ქართული ოცნების მთავრობაში ხალხის მოთხოვნები არ ესმით.

პროტესტი კი გრძელდება და 15 იანვარს რამდენიმე საათიანი გაფიცვა დაანონსდა. "3 საათის განმავლობაში დროებით დავკეტავთ ჩვენს კარს და დავდგებით გარეთ. ჩვენი გაფიცვით ვაჩვენებთ თუ რა გველის იზოლაციის პირობებში:
• გაჩერებული ეკონომიკა;
• დაკეტილი ბიზნესი;
• სიღარიბე და უმუშევრობა.
საფრთხეც და გამოსავალიც ყველასთვის საერთოა – ახალი არჩევნები და დაკავებულების გათავისუფლება."
რა გზავნილია ეს ხელისუფლების სათავეებთან მყოფთათვის, როგორ შეიძლება ეს იყოს ქართული ოცნებისათვის დისკომფორტის შემქმნელი?

სტუმარი: ნიკოლოზ შურღაია - ფინანსისტი და ბიზნესის მრჩეველი;

#ახალიამბები #BusinessMediaGeorgia