გუშინ, კონკურენციის სააგენტომ კომერციული ბანკების მიერ საკრედიტო პროდუქტების რეალიზაციის დროს სადაზღვევო პროდუქტების შეთავაზება/რეალიზაციის ბაზრის მონიტორინგის შედეგები გაასაჯაროვა. მონიტორინგი „დაზღვევის კავშირის“ მიმართვისა და საქართველოს ეროვნული ბანკის 2022 წლის ფინანსური სტაბილურობის ანგარიშის საფუძველზე გასული წლის ბოლოს დაიწყო. გაიცა 6 სავალდებულო წესით შესასრულებელი რეკომენდაციაც. ანგარიშის თანახმად, 2020-2022 წლებში საკრედიტო პროდუქტების მიწოდებას ახორციელებდა 15 კომერციული ბანკი. 10 კომერციული ბანკის შემთხვევაში საკრედიტო პროდუქტებთან ერთად ფიქსირდება სადაზღვევო პროდუქტების მიწოდებაც, მათ შორის 2 უმსხვილესი კომერციული ბანკის საერთო საბაზრო წილი განსახილველ პერიოდში იყო სტაბილურად მაღალი. ამასთან, 1 ეკონომიკური აგენტის შემთხვევაში საბაზრო წილი აღემატება 40%-ს და შესაბამისად სააგენტოს შეფასებით, სახეზეა დომინანტური მდგომარეობა, ხოლო დამატებით 1 ეკონომიკური აგენტის საბაზრო წილი გადის დომინანტური მდგომარეობის ზღვარზე.

როგორ უყურებს პროცესებს სადაზღვევო ბაზრის მარეგულირებელი და რა შემდგომი მსვლელობა შეიძლება მიეცეს კონკურენციის სააგენტოს რეკომენდაციებს?

სტუმარი: დავით ონოფრიშვილი - დაზღვევის ზედამხედველობის სამსახურის ხელმძღვანელი;


#ახალიამბები #BusinessMediaGeorgia